Polasaí Ábhair Airbnb

Ag postáil ábhar ar Airbnb duit, aontaíonn tú go gcloífidh tú lenár bpolasaí ábhair. Cuimsíonn ábhar aon ábhar scríofa, fótagrafach, fuaime, físe nó eile, ina measc sin:

• Ábhar scríofa: Teidil agus cur síos ar liostuithe, leathanaigh phróifíle, léirmheasanna poiblí agus príobháideacha, aiseolas, postálacha san Ionad Pobail, agus teachtaireachtaí chuig Airbnb, óstaigh nó aíonna
• Íomhánna: Grianghraif agus físeáin, chomh maith le híomhánna a léirítear laistigh de ghrianghraif agus d'fhíseáin (amhail póstaeir nó ealaín ar bhalla)

Coimeádaimid an ceart againn féin aon ábhar a sháraíonn an polasaí seo, ár dTearmaí Seirbhíse, ár gCaighdeáin Phobail, ár bPolasaí um Léirmheasanna, a bhaint, go hiomlán nó i bpáirt, de réir ár dTéarmaí Seirbhíse. I gcás sáruithe arís agus arís eile nó sáruithe tromchúiseacha, d'fhéadfaimis srian a chur ar an gcuntas Airbnb a bhaineann leis, é a chur ar fionraí nó é a bhaint freisin.

Ní cheadaítear an t-ábhar seo a leanas ar Airbnb:

• Ábhar a cruthaíodh chun críche fógraíochta nó ábhar tráchtála eile, ina measc sin lógónna cuideachta, naisc nó ainmneacha cuideachta
• Turscar, teagmháil gan iarraidh, nó ábhar a roinntear arís agus arís eile ar bhealach a chuireann isteach ar dhaoine
• Ábhar a thacaíonn le gníomhaíocht mhídhleathach nó dhíobhálach, nó atá gáirsiúil, foréigneach, grafach, bagrach nó ciaptha nó a chuireann an cineál sin gníomhaíochta chun cinn
• Ábhar atá leithchealach (déan athbhreithniú ar ár bPolasaí Neamhleithcheala chun tuilleadh eolais a fháil)
• Ábhar a dhéanann iarracht aithris a dhéanamh ar dhuine, ar chuntas nó ar eintiteas eile, ionadaí de chuid Airbnb san áireamh
• Ábhar atá mídhleathach nó a sháraíonn cearta duine nó eintitis eile, ina measc sin cearta maoine intleachtúla agus cearta príobháideachta
• Ábhar ina bhfuil eolas príobháideach duine éigin eile, ina measc sin ábhar ar leor é chun suíomh liostaithe a aithint
• Ábhar nach gceadaítear de réir ár bPolasaí um Ábhar Srianta

Sáruithe polasaí breise maidir le cineálacha sonracha ábhair:

Teidil liostaithe

• Teidil liostaithe ina bhfuil eolas nach mbaineann le cineál, stíl nó eispéireas an liostaithe
• Teidil liostaithe ina bhfuil siombailí nó emoji

Leathanaigh liostuithe nó próifílí

• Liostuithe agus próifílí ina dtugtar eolas bréagach, míthreorach nó mealltach

Ionad Pobail

• Ábhar nach mbaineann le hábhar, nach gcuireann ceist, nó nach dtugann eolas mar fhreagra ar cheist mar chuid de phlé níos mó
• Ábhar a dhéanann ciapadh nó a dhíríonn arís agus arís eile ar bhaill den phobal

Léirmheasanna

• Léirmheasanna a sháraíonn ár bPolasaí um Léirmheasanna

URLanna saincheaptha

• Seoltaí gréasáin pearsantaithe nach gcloíonn lenár bPolasaí um URLanna Saincheaptha

Ábhar a bhaineann le COVID-19

• Chun cabhrú le dul i ngleic le scaipeadh na mífhaisnéise a bhaineann le paindéim COVID-19, tá treoir curtha ar fáil againn maidir le Polasaí Ábhair Airbnb agus an Coróinvíreas.

Conas ábhar a sháraíonn ár bpolasaí a thuairisciú

Má chreideann tú go sáraíonn ábhar an polasaí seo, is féidir leat an t-ábhar a thuairisciú go díreach tríd an aip nó trí theagmháil a dhéanamh linn.